Hezbollahu me urdhrin më të madh të evakuimit në Izrael që nga fillimi i luftimeve – çfarë po paralajmërojnë militantët?

21:43 | 26 Tetor 2024
R J

Hezbollahu ka paralajmëruar banorët në 25 qytete në veri të Izraelit që të evakuohen menjëherë – urdhri i tij më i madh që nga fillimi i luftimeve aktuale.

Bëhet e ditur se grupi militant me bazë në Liban – i cili mbështetet nga Irani dhe konsiderohet grup terrorist nga Britania e Madhe dhe SHBA-ja – tha se qytetet janë bërë objektiva legjitime.

“Të gjithë banorët e vendbanimeve të përmendura në këtë deklaratë janë kërkuar që të evakuohen menjëherë”, thuhet në deklaratën e militantëve, shkruan skynews.

“Vendbanimet tuaja janë kthyer në terrene organizimi dhe raportimi për trupat ushtarake të armikut që po sulmojnë Libanin”, shton ajo.

“Si rezultat, ato janë bërë objektiva legjitime ushtarake për forcat ajrore dhe raketat e rezistencës islame”, vazhdon deklarata e Hezbollahut.

Siç raportohet, grupi lëshoi ​​gjithashtu një paralajmërim të ngjashëm për disa komunitete në Lartësitë Golan të pushtuara nga Izraeli. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm